Lëvizja Rinore për Integrim më ka ndryshuar mënyrën e të menduarit. Më ka bërë të luftoj më shumë dhe të mos mposhtem nga vështirësitë. Këto dy fjali nuk thuhen nga ndonjë djalosh shpatullgjerë dhe me muskuj të fortë. Por nga një 21-vjeçare, së cilës i qesh çdo muskul i fytyrës. Vetëm një vajzë si Lediona Lengo, me një logjikë aq të fortë dhe të ftohtë, mund të rrëzojë tabutë, të sfidojë realitetin dhe të spikasë në çdo provincë të ashpër, qoftë ky edhe një qytet me tradita si Gjirokastra. Ledi ka nisur herët të krijojë “partinë” e të rinjve.